Пытартыш ийлаште олаште веле огыл, районлаштат ятыр паша ышталтеш. Ял илышым вораҥдараш да вияҥдаш тӱрлӧ программым илышыш шыҥдарат. Ик эн пайдалылан «2003-2013 ийлаште ялым социально вияҥдымаш» программе шотлалтеш. Тидын нерген Марий Эл Республикысе ял озанлык да продовольствий министрын алмаштышыже Ираида Долгушева дене мутланышна.
«Марий Элыште «Ялым социально вияҥдымаш» программе тӱрыснек шукталт толеш. Идалык мучаште эн тӱҥжӧ – газификацийлан, вӱдым пуэн шогаш, пӧртым чоҥаш але пачерым налаш федерал кӱкшыт гыч толшо окса кугытым арален кодаш. Ты суммо деч ончыкылык паша лектышна шога. 2011 ийлан ойырымо шийвундо министерствыш пӱтынек толын да тудым пашам шуктышо-влак деке кӱлеш семын намиен шуктымо», – палдара Ираида Борисовна.
Тений республикыште кугу тӱткышым кум направленийлан ойырымо: газификацийлан, вӱдым пуэн шогымылан, пачерым чоҥымашлан але илыме верым саемдымашлан. Тышке самырык специалист ден еш-влаклан пӧртым (пачерым) пуымымат пуртыман.
Ты программылан 217 млн. теҥгем ойырымо. РФ бюджет гыч 64 млн. теҥге пурен, республик гыч – 63,7 млн. теҥге, муниципалитет-влак гыч – 18,3 млн. теҥге, а 80 утла млн. теҥгем калыкын кӱсенже гыч налме. Тиде, мутлан, пӧртым кугуракым чоҥынешт, але пачерым кугуракым налнешт, суртоза-влак шийвундым шкешт ешарен тӱлат.
Вера Гордеева.
Умбакыже – газетыште.
