Тений 18-23 апрельыште Сан-Пауло олаште (Бразилий) 15-16 ияш рвезе-влак коклаште «корэш» кучедалмаш дене тӱнямбал первенстве эртен. Тушто Европа ден Азий, Африка да Кечывалвел Америка гыч команде-влак лийыныт. Кучедалмашке Российын сборный командыжат миен. Тушко Россий первенствыште сеҥышыш лекше-влак Иван Андреев (Марий Эл), Артур Зулькарнаев (Башкортостан), Айрат Мухутдинов (Татарстан) пуреныт. Бразилий гыч нуно кумытынат чемпион лӱм дене [...]
|
Корнына У Торъял кундемыш шуйныш. Чӱксола ял посёлко воктенак шинча. Мучаш уремыштыже колхоз годымак чоҥымо икгай кермыч пӧрт-влак сӧралын койыт. Иктыштыже Марина ешыж дене ила. Мемнан мийыме годым тудо мӧҥгыжӧ кечывал кочкышлан пӧртылын ыле. Кудывечыш пурымеке, ваштарешна кече гай шыргыжше мотор ӱдыр лекте. Почто пашаеҥ тыгаяк ныжыл кумылан лийшаш. Арам огыл тысе почто планым эреак [...]
Шернур почтамт Шернур, У Торъял да Кужеҥер районлам уша. Тудо калыклан газетым, серышым шалатыме, пенсийым пуымо деч посна моло пашамат шукта: тӱрлӧ сатум ужалкала, коммунальный услугылан оксам налеш. Планым жапыштыже шукташ манын, почтальон-влак ялыш, калык деке лекмышт годым пеленышт книга да журнал дене пырля сумка тич сатум налыт. Чыла тидым вачышкышт сакалтат, велосипедыш шинчыт да [...]
Умбакыже лудаш Ял гыч ялыш, сурт гыч суртыш почтальонко коштеда »
Кажне айдемын шке шочмо пыжашыже уло. Тудым южо коден кая, южо тушанак вожым колтен ила. Но тораште илышыжым шӱм-чонжо тушко эреак шупшеш: кеч ончал савырнаш да уремже дене ошкыл эрташ… Теве мыйынат Морко районысо шочмо-кушмо Кабаксола ялем шӱм-чонемым вӱчка, пӧрт воктене лиймыжак мом шога!
Рото, мине, эскадр Тыге возаш туныктат руш йылме гоч марийыш пурышо нине интернациональный мутым 2011 ийыште лукмо орфографий мутерыште. Ударенийдыме гласный мучашан шкенан огыл мутлам серыме шотышто коло ий чоло пӱсӧ ӱчашымаш каен шога. Кӱсынлымаш деч посна тӱняште ик йылмат илен ок керт. Ожнат, кызытат марий йылме вес йылмыла гыч пурышо мут-влак дене пойдаралтын да [...]
Морко районысо Тойметсола ялыште тыглай марий ӱдырамаш Майя Ивановна Петрова ила. Тудын йырже шочшыжо, уныкаже-влак, теве эше ашнаш налме кок йыгыр икшыве лывыла пӧрдыт, ойган шӱм-чонжым лыпландарат.
Уфаште илыше марий калык шке шочмо йылмыжым да тӱвыражым ынже мондо, олаште шочын-кушшо йоча ава-ачан илыш-йӱлажым палыже манын, тысе Октябрьский районышто Рушарня школ пашам ышта. Ик жап тудо петырналтше лийын, но 2010 ий февраль гыч уэш шке пашажым тӱҥалын.
«1 май» СХПК СХА (а тыглайже – колхоз) У Торъял районысо кум ял озанлыкын мландыжым куралын ӱда. Икмыняр ий ончыч «Немдинский» совхоз шаланымеке, тудын мландыжым шкеж дек ушен, а шукерте огыл шолдыргышо «Прогрессым» шкенжын ик бригадыжлан налын. Тӱшка озанлыкыште шошо ага кузе кайымым ончалаш манын, ик мотор кечын У Торъял кундемыш тарванышна.
Шуко йолташем сонарыш коштеш. Нуно ты сомылым эше йоча жапыштак йӧратен шынденыт. Шкем нерген тыге каласен ом керт, но южгунам пырля миен толаш мыламат келша. Тений у сонар тургымышто адакат тидым ышташ Сергей йолташем дене шукертак кутырен келшенам ыле. Садлан каныш кече толын шумеке, кужун ышна шоно – машинаш шинчын, Йошкар-Ола гыч ялышке кудална.
Марий Элын эн кугу да эн тошто вузшо – МарГТУ – шке корныштыжо у йыжыҥыш тошкалын: РФ Минобрнаукын 18 апрельысе приказше почеш тудым Поволжский кугыжаныш технологический университетыш (ПГТУ) савырыме. Поволжский манмыже тудын статусшо кумдаҥмым ончыкта, вет вуз шукертсекак Марий кундемлан веле огыл кадрым ямдылен шога. Таче ПГТУ-н чумыр илыш корныжым шарналташ келшен толеш.